Uber prezidenti tayinlovdan yarim yil o‘tib iste’foga chiqdi

Jeff Jons Uber kompaniyasi prezidenti lavozimida yetti oydan kamroq ishladi. Uning iste’foga chiqqanligi haqida kompaniya vakili ma’lum qildi, deb yozadi “Vedomosti”.

Jeffning iste’foga chiqish sabablari hozircha noma’lum. Bu Uber bosh direktori Trevis Kalanikning kompaniya boshqaruvida unga yordam berishi mumkin bo‘lgan operatsion direktorni topish rejasi bilan bog‘liq bo‘lishi mumkin.

Iste’fo haqidagi qaror bir qator mojarolardan so‘ng qabul qilindi. Avvalroq New York Times kompaniya tomonidan ko‘p yillar davomida politsiyachi va nazorat boshqarmalari mansabdorlariga taksi buyurtma qilish imkonini bermaydigan maxsus dasturlardan foydalanganligi haqida ma’lum qilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!