“O‘zbekiston havo yo‘llari” charter reys orqali Suriyadan O‘zbekiston fuqarolarini olib keldi

“O‘zbekiston havo yo‘llari” milliy aviakompaniyasiga tegishli Boeing 767-33P samolyoti Suriyaning Damashq shahridan maxsus reysni amalga oshirdi, deb xabar berdi AviaSpotter.

Ushbu reys mamlakat hukumatining Suriyada O‘zbekiston fuqarolarini olib kelish haqidagi topshirig‘i doirasida amalga oshirilmoqda.

“Avvalroq ushbu bort marshrut o‘tadigan Turkiya havo kengligiga qo‘yilmagan edi. Uyga muvaffaqiyatli qaytish bilan tabriklaymiz!”, — deyiladi xabarda.