Parijda malika Diana halok bo‘lgan joy 22 yil o‘tgach, uning sharafiga qayta nomlanadi

Qariyb 22 yil o‘tgach, Parijda malika Diana avtohalokat oqibatida vafot etgan joy uning sharafiga qayta nomlanadi, deya xabar beradi “Gazeta.ru”.

1997-yil 31-avgustda malika Diana halok bo‘lgan Alma ko‘prigi yonidagi kichik maydon yaqin orada uning ismini oladi.

Ma’lumotlarga ko‘ra, bu joy rasmiy ravishda yangi nom olmaganiga qaramasdan, parijliklar va sayyohlar uzoq vaqtdan buyon ushbu fojiani xotirlab, bu yerga gullar olib kelishdi.

Maydonni qayta nomlash bo‘yicha yakuniy qaror Parij shahar kengashining 11-iyun kuni bo‘lib o‘tadigan yig‘ilishida qabul qilinishi kerak.