Turkmaniston prezidenti Dmitriy Medvedevni o‘z mashinasida sayr qildirdi (foto)

Turkmaniston prezidenti Gurbanguli Berdimuhamedov Rossiya bosh vaziri Dmitriy Medvedevni mehmonxonadan olib kelish uchun shaxsan o‘zi bordi. “TASS” xabar berishicha, prezident o‘zining GAZ-21 Volga mashinasida bo‘lgan.

Ular birgalikda Ashxobod bo‘ylab kichik avtomobil safari o‘tkazgan. Shundan so‘ng Medvedev va Berdimuhamedov prezident qarorgohiga kelgan va u yerda ishchi nonushta o‘tkazilgan.

Rossiya bosh vaziri Turkmanistonga 30-may kuni kelgan bo‘lib, 31-may kuni MDH hukumati rahbarlari kengashi majlisi bo‘lib o‘tadi.