Toshkent davlat iqtisodiyot universitetining Samarqand filiali tashkil etildi

Hukumat qarori bilan Toshkent davlat iqtisodiyot universitetining Samarqand filiali tashkil etildi. Bu haqda “Huquqiy axborot” kanali ma’lum qildi.

Filialning asosiy vazifasi Germaniya va boshqa rivojlangan davlatlar bilan hamkorlikda quyidagi yo‘nalishlar bo‘yicha malakali kadrlar tayyorlash hisoblanadi:

“Raqamli iqtisodiyot”;

“Qishloq xo‘jaligi iqtisodiyoti”;

“Oziq-ovqat va resurslar iqtisodiyoti”;

“Agrobiznes va marketing”;

“Buxgalteriya hisobi va audit”.

Filialga qabul 2019/2020-o‘quv yilidan boshlanadi.