“Real” va “Arsenal” sobiq o‘yinchisi 35 yoshda avtohalokat sabab vafot etdi

Ispaniya terma jamoasi hamda “Sevilya”, “Arsenal” va “Real”dagi o‘yinlari bilan muxlislarga tanilgan Xose Antonio Reyes avtohalokatga uchrab, vafot etdi. Bu haqda “Sevilya” futbol klubining Twitter’dagi rasmiy sahifasida xabar berildi.

Ma’lumot uchun, Reyes 1983-yil 1-sentabr sanasida Ispaniya provinsiyasi Sevilyaga qarashli Utrera shahrida tavallud topgan. U faoliyati davomida “Sevilya”, “Arsenal”, “Real Madrid”, “Atletiko Madrid”, “Benfika”, “Espanyol” kabi jamoalarda to‘p surgan.

Uning so‘nggi jamoasi “Estremadura” edi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!