Misrda Ramazon munosabati bilan 3 km.lik dasturxon yozildi, u Ginnes rekordlari kitobiga kiritilishi mumkin

Misrning Qohiradan bir necha o‘n kilometr uzoqlikda joylashgan yangi ma’muriy poytaxtida Ramazon munosabati bilan eng uzun dasturxon yozildi, deb xabar beradi “Life.ru”.

Dasturxon uch kilometrga cho‘zildi. U Ginnes rekordlari kitobiga kiritilishi mumkin. Noz-ne’matlar yetti ming nafar mahalliy aholi uchun tayyorlandi. Yig‘ilganlarga kunjutli an’anaviy Misr noni, babaganush, shuningdek, turshak sharbati va choy tortildi.

Ziyofatdan keyin mehmonlar tarixiy obidalarni ziyorat qildi.