Kobulda avtobusga o‘rnatilgan qo‘lbola bomba portlab ketdi

Afg‘oniston poytaxti Kobul shahrida avtobusga mahkamlangan qo‘lbola bomba portlab ketdi. Bu haqda mamlakat Tashqi ishlar vazirligi matbuot kotibiga tayanib, “RBK” xabar berdi.

Tolo News kanalining ma’lum qilishicha, portlash oqibatida bir kishi halok bo‘lgan va o‘n nafar odam jarohat olgan.

Noxush hodisa mahalliy vaqt bilan soat 07:50 da sodir bo‘lgan. Avtobus Burhoniddin Rabboni nomidagi ta’lim universitetining xodimlarini olib ketayotgan bo‘lgan.