» » O‘zbekistonning Tojikistondagi elchisi “Xalq ovozi” gazetasi bosh muharririga “Oltin qalam” mukofotini topshirdi

O‘zbekistonning Tojikistondagi elchisi “Xalq ovozi” gazetasi bosh muharririga “Oltin qalam” mukofotini topshirdi


31-may kuni O‘zbekistonning Tojikistondagi elchisi Ergash Shaismatov tantanali tarzda “Xalq ovozi” gazetasi bosh muharriri Yoqubjon Abdumanonzodaga “Oltin qalam” XIV milliy mukofoti uchun xalqaro tanlov Tashkiliy qo‘mitasining diplom va sovg‘asini topshirdi, deb yozadi O‘zA.

Tanlov yakunlari an’anaga ko‘ra 3-may – Jahon matbuoti erkinligi kunida e’lon qilindi.

Xalqaro tanlov Tashkiliy qo‘mitasi va hakamlar hay’ati Yoqubjon Abdumanonzodaning “Xalq ovozi” va boshqa nashrlarda chop etilgan ishlarini “Chet ellik jurnalistning O‘zbekiston haqidagi eng yaxshi materiali uchun” nominatsiyasi bo‘yicha diplom bilan taqdirladi. Maqolalar avvalo tojik va o‘zbek xalqlarining ko‘p asrlik aloqalarini mustahkamlashga, mamlakatlarimiz o‘rtasidagi hamkorlikni rivojlantirishga yo‘naltirilgan.

“Xalq ovozi”ning birinchi soni 1929-yilda chop etilgan. Bugungi kunda gazeta Tojikiston hukumatining o‘zbek tilidagi nashri hisoblanadi.

Mukofat bilan tabriklay turib, Elchi hayotning turli jabhalaridagi O‘zbekiston va Tojikiston o‘rtasidagi ko‘p qirrali aloqalarning izchil rivojlanishida Yoqubjon Abdumanonzoda va umuman gazetaning qo‘shayotgan salmoqli hissasini alohida ta’kidladi. Muallifning “Do‘stlar diydorida shodlik mujassam”, “Qadim Samarqand sari farahbaxsh parvoz”, “Asrlar sinovidan o‘tgan do‘stlik”, “Blijniy sosed luchshe dalney rodni” va boshqa shu kabi maqolalari o‘quvchilarni birodar xalqlarimizning tub manfaatlariga xizmat qiluvchi davlatlararo munosabatlardagi jadal o‘zgarishlar, ularning sermahsul natijalari bilan tanishtiradi.

Yoqubjon Abdumanonzoda o‘z navbatida mehnatining yuqori baholanganligi uchun minnatdorchilik izhor etdi va o‘z ijodining kelgusida ham Tojikiston va O‘zbekiston xalqlarining farovonligiga xizmat qilishiga umid bildirdi.



Manba: Daryo.uz
Опубликовано: admin (4-06-2019, 00:29)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 98) ( 0) ( 98) ( 0)
Юзеры:
- отсутствуют
Гости:
Роботы:
- отсутствуют
Последние 20 посетителей... - отсутствуют