Qachonlardir Bred Pitt va Jennifer Enistonga tegishli bo‘lgan koshona 49 mln dollarga sotilmoqda (foto)

Bir vaqtlar Bred Pitt hamda Jennifer Enistonga tegishli bo‘lgan Beverli-Xillzdagi koshona 49 million dollarga sotilmoqda, deb xabar beradi Forum Daily.

The Wall Street Journal’ning yozishicha, Pitt va Eniston 2001-yilda uyni 13,5 million dollarga xarid qilgan va oradan besh yil o‘tgach xej-fond rahbari Jonatan Bruksga sotib yuborishgan. Ta’kidlash kerakki, juftlik 2000-yilda oila qurib, 2005-yilda ajrashib ketishgan edi.

Koshona maydoni 1115 kvadrat metrga teng bo‘lib, uning ichida 5 ta yotoqxona va 12 ta vannaxona mavjud. 1934-yilda taniqli arxitektor Uolles Neff loyihasi asosida qurilgan uy 2006-yilda Kemeron Diaz ishtirokidagi “Bayram” filmida ham namoyish etilgan.

Ushbu koshonaga qachonlardir Denni DeVito qo‘shni bo‘lib yashagan.