Rossiya xalq artisti Aleksandr Pankratov-Chyorniy zudlik bilan kasalxonaga yotqizildi
Moskvada Rossiya xalq artisti Aleksandr Pankratov-Chyorniy 6-iyun kuni kasalxonaga yotqizildi. Bu haqda “REN TV” telekanali xabar berdi.
Xabarda aytilishicha, aktyor ertalab Moskva markazidagi bolalar maydonchasida o‘tirganida o‘zini yomon his qilgan.
Aktyorning rafiqasi Yuliya Monaxovaning aytishicha, Pankratov-Chyorniy quyoshda ko‘p turib qolgan. Natijada o‘zini yomon his qilgan. Ammo uning hayotiga jiddiy xavf yo‘q.
2018-yil aprelda aktyorning jiddiy kasallik bilan shifoxonaga yotiqizilgani haqida xabar berilgan. Keyinchalik esa aktyor bu xabarni inkor etib, shunchaki kaftida kichik jarrohlik o‘tkazilganini ma’lum qilgan.
Pankratov-Chyorniy “Biz jazdanmiz” filmi bilan mashhur. U, shuningdek, “Gagradagi qish oqshomi”, “Sibiriada”, “Kuryer”, “Shirli-mirli” va “Oltinchi palata” filmlarida ham suratga tushgan. 2009-yil Rossiya xalq artisti unvoniga sazovor bo‘lgan.
Manba: Daryo.uz