Alisher Usmonov Namanganda 18 qavatli biznes markazi quradi. Keyingi xalqaro investitsiya forumlari shu markazda o‘tadi

Milliarder Alisher Usmonov yordamida Namangan shahrida 18 qavatli biznes-markaz quriladi. Bu haqda viloyat hokimi Xayrullo Bozorov ma’lum qildi, deya xabar beradi “Daryo” muxbiri.

Bugun, 7-iyun kuni Namangan shahrida “Doing business with Namangan ­­-­ 2019” xalqaro investitsiya forumi o‘z ishini boshladi.

“Namangan shahrida Alisher Burhonovich yordamida kongress zaliga ega, jahon talablariga javob beradigan 18 qavatli biznes-markaz qurilmoqda. Keyingi xalqaro investitsiya forumlari shu markazda o‘tadi”, — dedi Xayrullo Bozorov.