Irlandiya respublikachilar armiyasining sobiq yetakchilaridan biri Martin Makginness vafot etdi

Shimoliy Irlandiya birinchi vazirining sobiq o‘rinbosari Martin Makginness vafot etdi. Meduza’ning yozishicha, u avvallari Irlandiya respublikachilar armiyasi (IRA) yetakchilaridan biri, deb hisoblanilardi.

Makginness 66 yoshda edi. U mart oyi boshida yurak xastaligi bilan kasalxonaga yotqizilgani haqida xabar berilgan edi.

Makginness 1950-yil Londonderrida tug‘ilgan. 1970-yillarning boshlarida u IRA yetakchilaridan biriga aylangan va buning uchun ikki marta sudlangan. Makginness 1974-yilda IRA bilan hamkorlik qilishni to‘xtatib, o‘z e’tiborini siyosatga qaratgan.

U 1990-yilgi tinchlik jarayonida “Shinn Feyn” partiyasidan chaqirilgan asosiy muzokarachilardan biri bo‘lgan. Shundan so‘ng Makginness ta’lim vaziri, 2007-yili esa birinchi vazir o‘rinbosari etib tayinlandi. U bu lavozimda 2017-yil yanvariga qadar ishladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!