» » Samarqandda bolalar futbolidagi korrupsiyaga kim barham beradi?

Samarqandda bolalar futbolidagi korrupsiyaga kim barham beradi?


Daryo tahririyatiga Samarqand shahrida yashovchi Rahmon Mavlonov murojaat qilib, unda Dinamo-plyus PFK tasarrufidagi Bolalar va osmirlar maxsus futbol sport maktabi direktori Donoqul Yusupov uni asossiz ravishda ishdan olib tashlaganligini bayon etgan. Shuningdek, arizada futbol sport maktabi direktori xodimlar va maktab uchun ajratilgan pullarni noqonuniy tarzda ozlashtirib kelayotganligi keltirib otilgan.

Futbol maktabi direktorining noqonuniy ishlari yuzasidan koplab joylarga murojaat qildim. Biroq hech qaysi bir tashkilot ishni adolatli korib chiqmayapti. Prokuratura ham bu borada biror bir chora korgani yoq, deydi Rahmon Mavlonov. Hatto Samarqand viloyati hokimi Erkinjon Turdimovning sayyor qabulida ham boldim. Viloyat hokimi murojaatimni korib chiqishini viloyat prokuroriga yukladi, prokuror esa boshqa prokurorga yukladi. Mana shu tarzda 5 oydan buyon murojaatim toliq organilmayapti.

Malum bolishicha, Rahmon Mavlonov futbol maktabi direktorining iqtisodiy jinoyatlari ustidan Samarqand viloyat Davlat moliyaviy nazorati boshqarmasiga murojaat qilgan. Boshqarmaning Daryo muxbiri Farhod Norbotayevga taqdim etgan 2019-yil 28-fevraldagi tekshiruv xulosasiga kora, Dinamo plyus PFK tasarrufidagi bolalar va osmirlar maxsus futbol sport maktabi gaznachisi Toshtemir Yusupov tamonidan kassa kitobi yuritilmasdan 2018-yilning may oyidan 2019-yilning 1-yanvarigacha jami 65 146 400 som noqonuniy ravishda xarajatga chiqarilganligi aniqlangan.

Tekshiruvlar jarayonida aniqlanishicha, 2018-yilning 26-aprel kunidan Donoqul Yusupov direktor bolib tayinlangan, tugishgan ukasi Toshtemir Yusupov 2018-yilning 5-iyul kuniga qadar xojalik ishlari mudiri, 2018-yilning 21-may kunidan 2019-yilning 7-yanvar kuniga qadar gaznachi vazifasida ishlaganligi malum bolgan. Shuningdek, direktor Donoqul Yusupov ozining qudasi I.Toshturdiyevni maktabga psixolog sifatida ishga qabul qilib, keyinchalik maktabning kasaba uyushmasi raisi etib saylagan. Futbol maktabining amaldagi kasaba uyushmasi raisi Ashurbek Rustamov esa ozini uyushma raisligidan ketganligidan bexabar.

Mazkur holatda Mehnat Kodeksining 79-moddasi 1-qismi Ozaro yaqin qarindosh yoki quda-anda bolgan shaxslarning (ota-onalar, aka-ukalar, opa-singillar, ogil va qizlar, er-xotinlar, shuningdek, er-xotinlarning ota-onalari, aka-ukalari, opa-singillari va bolalari) basharti ulardan biri ikkinchisiga bevosita boysunib yoki uning nazorati ostida xizmat qiladigan bolsa, bir davlat korxonasida birga xizmat qilishlari taqiqlanadi degan talabi buzilgan.

Tekshiruv natijasida Futbol maktabi mamuriyati tomonidan Mehnat Kodeksining 131-moddasida korsatilgan barcha bayram kunlari arafasida kunlik ish muddati barcha xodimlar uchun kamida bir soatga qisqartirilmaganligi aniqlangan. Ushbu holatda Mehnat Kodeksining 121-moddasi talabiga rioya etilmagan. Shuningdek, futbol maktabi ish beruvchisi tomonidan 2018-yilning may oyidan 2019-yil fevral oyiga qadar bosh ish orinlari togrisidagi malumotlar Pastdargom tuman Bandlikka komaklashish markaziga umuman taqdim qilinmagan. Qolaversa, maktabning trenerlik faoliyati bilan shugullanishi yuzasidan ruxsatnomasi mavjud bolmaganligi uchun 2018 va 2019-yilning yanvar oylarida 14 305 400 som nomutaxassislik uchun maqsadsiz ish haqi tolangan.

Samarqand viloyat Davlat moliyaviy nazorati boshqarmasi yetakchi nazoratchi-taftishchisi I.Ubaydullayevning tekshiruvidan qoniqish hosil qilmaganim uchun boshqarma boshligi Muzaffar Hamdamovdan qaytadan tekshiruv otkazishini soradim, deydi Rahmon Mavlonov. Ikkinchi tekshiruvchi Maqsud Mashrabov ham direktorning bir qator iqtisodiy kamchiliklarini aniqladi. Meni ajablantirgan jihati shundaki, birinchi tekshiruvda kelgan nazoratchi-taftishchi I.Ubaydullayev kop holatlarga koz yumib ketgan.

Viloyat Davlat moliyaviy nazorati boshqarmasining 2019-yilning 21-may kuni otkazgan qayta tekshiruv xulosasiga kora muassasada yoqilgi uchun ajratilgan mablagning 892 100 somlik metangaz yoqilgisi gaz tarqatish vedomostiga maktab direktori Donoqul Yusupov tomonidan shaxsiy avtomashinasiga chiqim qilinganligi aniqlangan. Bundan tashqari, muassasa xodimlariga ish haqi va boshqa tolovlar boyicha 26 holatda 13 921 400 somlik ortiqcha tolovlar qilinganligi aniqlangan.

2018-yilning yoz oylarida Toshkent viloyatining Bekobod, Jizzax viloyatining Gallaorol tumanlari hamda Navoiy shahriga tayyorlov guruhi musobaqasiga shifokor sifatida bordim. Osha musobaqalarga bir-ikki million som pul berdi xolos, deydi Rahmon Mavlonov. Musobaqalardan qaytganimizdan song bosh vedomostlarga qol qoydirib, song ozlari istagan summani yozardi. Men direktorning koplab noqonuniy ishlariga guvoh bolib qolayotganligim uchun keyinchalik boshqa musobaqalarga meni yubormay qoydi. Direktorni bolalar sogligidan kora moddiy manfaat qiziqtiradi.

Samarqand shahar Xalq talimi bolimi bosh muhandisi Olim Qarshiyev tomonidan nazorat-olchov yoli bilan maktabda bajarilgan joriy tamirlash ishlari organilganda 9 580 000 somlik tamirlash ishlari kam bajarilganligi oydinlashgan.

Samarqand shahar Xalq talimi bolimi bosh muhandisi Olim Qarshiyev tekshiruvga kelib maktabda bajarilgan joriy tamirlash ishlaridagi kamchiliklarni shunchaki yuzaki tekshirdi. Joriy tamirlash rejasiga pollarga linoleum qoyilishi kerak edi. Biroq u qoyilmagan. Tekshiruvchi esa linoleumni qoyilgan deb yozib ketdi, deydi Rahmon Mavlonov. Qolaversa, tekshiruvga kelgan kuni eski romlar alishtirilmaganligi sababli tekshiruvchi ertaga kelishini bildirdi. Ertasi kuniga direktor yangi eshiklarni olib kelib ornatib qoydi. Meni ajablantirgan jihati shundaki, tekshiruvchi joriy tamirlash bilan bogliq arizangizni yopib yuboraylik deb menga tort million som pul taklif qildi.

2018-yilning oktabr-dekabr oylarida amalga oshirilgan joriy tamirlash ishlari davomida futbol maktabining kiyinish-yechinish xonasidagi hojatxona eshigi berkitilib, direktor ozining xonasi tomonidan eshik ochdirib olgan.

Malum bolishicha, Samarqand viloyat Bandlik bosh boshqarmasi tomonidan Rahmon Mavlonovning shikoyat arizasi organilib, futbol maktabi direktori Donoqul Yusupov tomonidan 2018-yilning 29-dekabr kunidagi 50-sonli buyruq bilan Rahmon Mavlonov ortasida tuzilgan mehnat shartnomasi Ozbekiston Respublikasi Mehnat Kodeksining 105-moddasi bilan mehnat qonunchiligiga zid ravishda bekor qilinganligini aniqlagan.

Meni shikoyatimni organib chiqayotgan shahar prokurori Xurshid Musurmonov aniqlangan moliyaviy kamchiliklar yuzasidan qanday qilib jinoyat ishi ochish lozimligini bilmayotganligini aytdi. Prokuror aniqlangan holatlarni isbotlab berishim kerak deb aytdi, deydi Rahmon Mavlonov. Samarqand viloyati Davlat moliyaviy nazorati boshqarmasi yuz milliondan ortiq pullarni noqonuniy ozlashtirib yuborganligi boyicha malumot taqdim etib turgan vaqtda prokuror nega jinoyat ishi ochishni paysalga solib turganligi meni ajablantirmoqda.

Malum bolishicha, Samarqand viloyati Davlat moliyaviy nazorati boshqarmasi Iqtisodiy jinoyatlarga qarshi kurashish departamenti Samarqand shahar bolimiga aniqlangan kamchiliklar boyicha xat yollagan. Biroq departament haligacha biror bir chora kormasdan kelmoqda.

Rahmon Mavlonovning murojaatlari asosida Samarqand viloyat prokuraturasi matbuot xizmatiga ish yuzasidan malumot berishini soradik. Biroq prokuratura matbuot xizmati rasmiy xat asosida murojaat qilsakgina malumot berishini aytdi.

Mazkur holat yuzasidan Bosh prokuratura, Bandlik va mehnat munosabatlari vazirligi, Jismoniy tarbiya va sport vazirligining javobini kutib qolamiz.



Manba: Daryo.uz
: admin (8-06-2019, 16:29)
0 (: 0)
. !

!


vote-icon
?

?
( 37) ( 0) ( 35) ( 2)
:
-
:
20 ... -