Brexit bo‘yicha Yevroittifoq sammiti 29-aprelda bo‘lib o‘tadi

Buyuk Britaniyaning Yevropa Ittifoqi tarkibidan chiqishi bo‘yicha direktivalar tasdiqlanadigan Yevroittifoq sammiti 29-aprel kuni bo‘lib o‘tadi.

Bu haqda Yevropa Kengashi raisi Donald Tusk ma’lum qildi, deya xabar bermoqda “RIA Novosti” agentligi.

“Londonda kecha e’lon qilingan qarorlar yuzasidan ma’lum qilmoqchimanki, Brexit bo‘yicha muzokaralar olib borish uchun direktivalarni tasdiqlash masalasida Yevropa Kengashi yig‘ilishini 29-aprel, shanba kuni chaqiraman”, — dedi Tusk.

Avvalroq Buyuk Britaniya Yevropa Ittifoqidan chiqish jarayonini 29-mart kuni boshlashi ma’lum qilingan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!