O‘yinchoq mashinalar 2 tonnalik Toyota pikapini shatakka oldi

Radioboshqaruv orqali harakatga keltiriladigan 15 ta Tamiya Hilux Bruiser 4X4 o‘yinchoq mashinalari og‘irligi 2165 kilogramm bo‘lgan haqiqiy Toyota Hilux pikapini shatakka olib, tortdi. Voqea aks etgan rolik Toyota’ning Britaniyadagi ofisiga tegishli YouTube-sahifada e’lon qilindi, deya xabar bermoqda “Motor”.

Sinovni amalga oshirishga tayyorlik vaqtida o‘yinchoq mashina shinalaridagi bosim maksimal darajaga olib chiqildi, sath bilan optimal tortishishni ta’minlash maqsadida mashinchalar kuzoviga 500 grammdan yuk qo‘yildi. Bundan tashqari, shatakka olish uchun maxsus po‘lat mahkamlagichlar ham tayyorlandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!