Rayhon Mothercare do‘koni reklamasida suratga tushdi

O‘zbekistonda xizmat ko‘rsatgan artist Rayhon G‘aniyeva taniqli ingliz brendi — Mothercare reklamasida paydo bo‘ldi.

Foto: Facebook/Mothercare Uzbekistan

Onalar va bolalarga mo‘ljallangan mahsulotlar brendining O‘zbekistondagi filiali yaqinda ona bo‘lgan Rayhonni o‘z reklama kampaniyasida ishtirok etishga taklif qildi. Unda xonanda g‘amxo‘r va mehribon ona obrazida namoyon bo‘ldi.

Foto: Facebook/Mothercare Uzbekistan

San’atkor Krasota.uz nashriga Mothercare reklamasidagi ishtiroki haqida izoh berar ekan, o‘zi ham yaqindan boshlab ushbu firma do‘koniga tez-tez tashrif buyuradigan bo‘lganini ta’kidladi.

Foto: Facebook/Mothercare Uzbekistan

Eslatib o‘tamiz, shu yilning 5-may kuni Rayhon egizak o‘g‘il farzandli bo‘ldi. Xonanda turmush o‘rtog‘i Yigitali Mamajonov bilan birga bolalariga Imron va Islom deb ism qo‘ydi.

Daryo.uz