KMTA: Pak Kin Xe o‘z xohishi bilan iste’fo berishi kerak edi

Janubiy Koreya sobiq prezidenti Pak Kin Xe o‘z ishi uchun qamalishga loyiq. Bu fikrni KXDRning “Koreya markaziy telegraf agentligi” (KMTA) axborot agentligi bildirdi, deb yozadi “TASS”.

“Pak Kin Xe fosh qilingan jinoyatlarga aloqadorligi uchun yuz marta qamoqqa tushishga loyiq”, — deya ta’kidladi agentlik.

Maqolada u “Janubiy Koreyaning impichment natijasida hokimiyatdan chetlatilgan birinchi prezidenti”ga aylangani qayd etiladi. KMTA “uning hokimiyatiga qarshi namoyishlar butun Janubiy Koreyani qamrab olganidan keyin o‘z xohishi bilan iste’fo berishi kerak bo‘lgan Pak Kin Xening bemulohaza qaysarligi”ga e’tibor qaratdi.