“Atletiko Madrid” “Real” futbolchisi bilan kelishuvga erishdi

“Real” yarim himoyachisi Markos Lyorente Madridning boshqa bir klubi “Atletiko”ga o‘tishga yaqin turibdi, deb yozadi COPE.

“Real” Lyorenteni sotishni xohlagan edi. Unga “Atletiko Madrid”dan jiddiy taklif kelib tushgan. Ayni damda tomonlar transfer masalasining yakuniy bosqichiga yetib kelgan.

“Atletiko” 24 yoshli yarim himoyachi uchun “Real”ga 40 million yevro to‘laydi. Markosning o‘zi esa “matraschilar” bilan 5 yillik shartnomaga imzo chekadi.

Lyorente so‘nggi ikki mavsum La Ligada 20 ta o‘yin o‘tkazdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!