“Namangan – Farg‘ona” yo‘nalishida avtobuslar qatnovi yo‘lga qo‘yildi

“Namangan – Farg‘ona” yo‘nalishida avtobuslar qatnovi yo‘lga qo‘yildi. Bu haqda “Daryo”ga Namangan viloyati transport boshqarmasi ma’lum qildi.

Ushbu yo‘nalishdagi qatnovlar uchun 5 ta Isuzu avtobusi ajratildi.

Namangan shahri aholisiga qulayliklar yaratish maqsadida yaqin kunlarda yangi tashkil etilgan “Paxtalikko‘l sihatgohi—Chorsu”, “Aeroport—Jahon bozori”, “1-kichik tuman—Go‘zal” va “Namangan—Hazratishoh” shaharlararo yo‘nalishlariga avtobuslar qatnovini yo‘lga qo‘yish ishlari olib borilmoqda.

Bu bilan mazkur shahar va shaharlararo yo‘nalishlarda 15-20 ming aholining ehtiyojini qondirilishiga erishiladi.

Ma’lumot uchun, may oyidan boshlab Namangan—Andijon yo‘nalishida ham avtobuslar qatnovi yo‘lga qo‘yilgandi.