Toshkentga ilk bor kredit reyting darajasi berildi

Joriy yil 14-iyun kuni nufuzli xalqaro reyting agentliklaridan biri Fitch Ratings Toshkentga barqaror progonozli “BB-” suveren kredit reytingini taqdim etdi. Bu haqda shahar hokimligi matbuot xizmati ma’lum qildi.

Bu poytaxtning mazkur yo‘nalishdagi ilk xalqaro e’tirofidir. Fitch Ratings agentligining MDH va Qora dengiz bo‘yicha mintaqaviy rahbari Dmitriy Surkov tomonidan Toshkent shahar hokimi Jahongir Ortiqxo‘jayevga barqaror prognozli “BB-” suveren kredit reytingini tasdiqlovchi sertifikat topshirildi.

Surkovga ko‘ra, ushbu xalqaro darajadagi e’tirof Toshkentning investitsiyaviy jozibadorligini oshiradi, poytaxt iqtisodiyoti barqaror rivojlanayotganini tasdiqlaydi.