Surxondaryoda 6 metrlik chuqurga tushib ketgan sigir qutqarildi (foto)

Joriy yilning 17-iyun kuni soat 16.30 da Surxondaryo viloyati Favqulodda vaziyatlar boshqarmasi tezkor navbatchilik guruhiga Termiz tumanidagi “Chegara” mahallasida istiqomat qiluvchi M.X. tomonidan murojaat kelib tushdi. Bu haqda FVV matbuot xizmati ma’lum qildi.

Fuqaro sigiri hovlisida qazilgan 5-6 metrlik chuqurga tushib ketganligini bildirib, uni olib chiqishda yordam berishni so‘ragan.

Mazkur murojaat yuzasidan boshqarma qutqaruv otryadi voqea joyiga zudlik bilan yetib bordi. Maxsus qutqaruv asbob-anjomlari yordamida sigir talofatlarsiz chuqurdan chiqarib olindi.