Xorazmda qo‘shnisini do‘pposlab o‘ldirib qo‘ygan fuqaro qo‘lga olindi

2019-yil 19-iyun kuni Xorazm viloyatining Xonqa tumanida yashovchi 26 yoshli S.I. qo‘shnisi 45 yoshli B.T.ning uyida o‘zaro janjal sabab uni tanasining turli joylariga urib-tepib jarohat yetkazgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Natijada B.T. kasalxonaga yotqizilgan va ko‘rsatilgan tibbiy muolajalarga qaramay vafot etgan. S.I. qo‘lga olingan. Holat yuzasidan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.