Iyul oyidan “Toshkent—Xabarovsk—Toshkent” charter qatnovlari qayta yo‘lga qo‘yiladi

Uzbekistan airways Platinum Fly Travel bilan hamkorlikda 2019-yil 8-iyuldan boshlab “Toshkent—Xabarovsk—Toshkent” yo‘nalishi bo‘yicha charter qatnovlarini qayta yo‘lga qo‘yadi. Bu haqda MAK matbuot xizmati xabar berdi.

Yozgi mavsumda “O‘zbekiston havo yo‘llari” milliy aviakompaniyasi tomonidan “Toshkent—Xabarovsk—Toshkent” yo‘nalishidagi parvozlarni shinam va qulay Boeing-767 samolyotlarida amalga oshirish rejalashtirilgan bo‘lib, qatnovlar ikki haftada bir marta bajariladi.

Xabarovsk va Toshkent o‘rtasida to‘g‘ridan-to‘g‘ri parvozlar 2018-yil iyul oyidan beri amalga oshirilmayotgandi.