O‘zbekistonlik migrantlar Leningradda o‘quvchi qizlarni kaltaklab, smartfonlarini tortib oldi

O‘zbekiston va tojikistonlik mehnat muhojirlari Rossiyada maktab o‘quvchilarini kaltaklab, telefonini tortib oldi. Bu haqda Sputnik xabar bermoqda.

Hodisa 16-iyunga o‘tar kechasi ro‘y bergan. Leningrad viloyatining Sheglovo-1 posyolkasida uch nafar migrant 14 yoshli qizlarni poylab turgan. Ular yaqinlashgach, qalampirli ballonchadan gaz purkab, kaltaklab, so‘ng iPhone smartfonlarini tortib olgan.

Politsiya tezkor qidiruv tadbirlari davomida ikki nafar 21 yashar O‘zbekiston fuqarosi va 22 yoshli tojikistonlik yigitni qo‘lga oldi.

Talonchilarga nisbatan jinoiy ish qo‘zg‘atilgan. Ular rasman hech qayerda ishlamagani aytilmoqda.