Qirg‘iziston Bosh prokuraturasi Atambayevni daxlsizlik huquqidan mahrum etishni ma’qulladi

Qirg‘iziston Bosh prokuraturasi mamlakatning sobiq prezidenti Atambayevni daxlsizlik huquqidan mahrum etish haqidagi parlament tashabbusini ma’qulladi. “Kommersant”ning yozishicha, bu haqda parlament kengashida bosh prokuror Otkurbek Jamshitov ma’lum qilgan.

“Bosh prokurorning Atambayevni daxlsizlikdan mahrum etish haqidagi iltimosnomasi parlamentga yuborilgan”, — degan Otkurbek Jamshitov.

Qayd etilishicha, prokuratura parlament tomonidan sobiq prezidentga qarshi qaratilgan ayblovlarning bir qismini qo‘llab-quvvatlagan. Xususan, Bosh prokuratura Atambayev hokimiyat uzurpatsiya qilinishi (qonunga xilof ravishda tortib olinishi), jurnalist va siyosiy  muxolifatlarning ta’qib qilinishiga bevosita aloqador ekanligiga oid dalillarni topgan.