O‘zbekiston Moskvadagi ko‘rgazma majmuasidan pavilyon ijaraga oldi

Toshkent hokimligi va Moskva meriyasi O‘zbekiston ko‘rgazma-madaniy markazini tashkil etish uchun Rossiya poytaxtidagi “Xalq xo‘jaligi yutuqlari ko‘rgazmasi” majmuasi hududidagi pavilyonni ijaraga olish to‘g‘risidagi shartnomani imzoladi, deb xabar beradi “Gazeta.uz”.

Mamlakatning Rossiyadagi elchixonasi matbuot xizmati xabariga ko‘ra, hozirda pavilyonda tashqi va ichki qismlarni ta’mirlash-restavratsiya qilish ishlari olib borilmoqda, ular yakunlari bo‘yicha u O‘zbekistonga tantanali ravishda topshiriladi.

May oyi oxirida Urganchda O‘zbekiston va Rossiya hukumatlari rahbarlari darajasidagi qo‘shma komissiya yig‘ilishida “Xalq xo‘jaligi yutuqlari ko‘rgazmasi” hududida respublika madaniy-ko‘rgazma markazini tashkil etish to‘g‘risidagi ikki tomonlama muzokaralar uchun huquqiy asos bo‘lib xizmat qiluvchi hukumatlararo bitim imzolangan edi.