“Real”ga “Ayaks” yarim himoyachisi kerak

“Real” “Ayaks” yarim himoyachisi Donni van de Bekka qiziqmoqda, deya xabar berdi Marca.

Madrid klubi “Manchester Yunayted” xavbeki Pol Pogba bilan transferini hal eta olmagan taqdirda bor e’tiborini 22 yoshli futbolchiga qaratadi.

Pogbadan ko‘ra Donni bilan shartnoma imzolash “Qirollik klubi” uchun ham osonroq, ham arzonga tushadi. Niderlandiyalikning transfer narxi 60 million yevroga baholanmoqda.

Ma’lumot uchun, van de Bek “Ayaks” tarbiyalanuvchisi hisoblanadi. U 2018/19-yilgi mavsum amsterdamliklar safida barcha musobaqalarni hisoblaganda 57 ta o‘yinda maydonga tushib, o‘z nomiga 17 ta gol yozdirib qo‘ydi hamda 13 ta golli uzatma berishga muvaffaq bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!