Kopa Amerika—2019. Braziliya Paragvay bilan o‘ynaydi, Argentina esa Venesuelaga qarshi maydonga tushadi

Futbol bo‘yicha Kopa Amerika—2019 musobaqasining 1/4 finali doirasida dastlabki 2 ta uchrashuv bo‘lib o‘tadi.

Musobaqaga mezbonlik qilayotgan Tite qo‘l ostidagi Braziliya terma jamoasi Paragvayni sinovdan o‘tkazadi. Bellashuv soat 05:30 da start oladi. Ma’lumot uchun, Braziliya termasi guruhdagi so‘nggi o‘yinda Peru darvozasiga javobsiz 5 ta gol urgan bo‘lsa (5:0), paragvayliklar Kolumbiyaga kichik hisobda imkoniyatni boy bergandi (0:1).

Leo Messi yetakchiligidagi Argentina terma jamoasi Venesuela termasi bilan bahsga kirishadi. Uchrashuv Toshkent vaqti bilan soat 00:00 da boshlanadi. Eslatib o‘tamiz, argentinaliklar guruh bosqichining 3-turida Qatar termasini mag‘lubiyatga uchratgandi (2:0). Venesuela esa Boliviyani 3:1 hisobida yutgandi.

Mavzuga doir: Kopa Amerika—2019. Kavanining goli Urugvayga g‘alaba keltirdi (video)

Kopa Amerika—2019

1/4 final bahslari

28-iyun, juma

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!