O‘zbekiston bo‘ylab jazirama issiq harorat kuzatiladi

Gidrometeorologiya xizmati markazidan ma’lum qilinishicha, 30-iyun — 2-iyul kunlari O‘zbekiston hududiga Erondan Turkmaniston orqali issiq va quruq havo oqimining kirib kelishi kuzatiladi.

30-iyun —1-iyul kunlari Qoraqalpog‘iston va Xorazmda, 1—2-iyul kunlari qolgan hududlarda havo harorati ko‘p yillik o‘rtacha ko‘rsatkichdan 5—7 daraja yuqori bo‘ladi.

Kunduz kunlari havo harorati 40—43 daraja, janubiy cho‘l hududlarda 44—45 darajagacha ko‘tariladi.

Buxoro, Navoiy, Qashqadaryo va Surxondaryo viloyatlarida garmsel ehtimoli mavjud.