Londondagi teraktga aloqadorlikda gumon qilinib, 7 kishi qo‘lga olindi

Buyuk Britaniya poytaxtida 22-mart, chorshanba kuni sodir etilgan teraktga aloqador shaxslarni qidirish butun mamlakat bo‘ylab olib borilmoqda. Bu haqda “RBK” ma’lum qildi. 

“Biz 6 manzilda tintuv o‘tkazdik va 7 kishini qamoqqa oldik. Politsiya Birmingem va mamlakatning boshqa qismlarida qidiruv ishlari olib bormoqda”, — deya ta’kidladi London politsiyasi vakili Mark Rouli. 

Sky News telekanaliga ko‘ra, politsiyaning o‘nlab zobitlari Birmingemdagi uylardan biri yaqinida o‘tkazilgan operatsiyada ishtirok etdi. Dahaga olib boruvchi barcha yo‘llar yopib qo‘yildi. 

23-mart, payshanba kuni ertalab hudud qurshovdan xoli bo‘ldi, biroq guvohlar u yerda hozir ham ko‘plab politsiyachilar borligini aytmoqda. “Daryo”ning Telegram’dagi rasmiy kanali — @toshqindaryo’ga a’zo bo‘ling!