Gonkongda namoyishchilar parlament binosiga bostirib kirishga urindi (video)

Gonkongda bir guruh namoyishchilar parlament binosiga kirishga urinib, oynalarni sindirib tashladi, deb xabar beradi Meduza.

Politsiya ko‘zni yoshlantiruvchi gazdan foydalanib, namoyishchilarning binoga kirishiga yo‘l qo‘ymadi. Gonkongdagi norozilik namoyishlari uch haftadan buyon davom etib kelmoqda. Fuqarolarni Gonkong fuqarosi Xitoyda sud qilinishi mumkinligi to‘g‘risidagi qonun loyihasi g‘azabga keltirgan edi.

Hozirda mazkur qonun loyihasi “muzlatilgan”, biroq namoyishchilar undan butkul voz kechishni talab qilmoqda.