Surxondaryolik fuqaro Amerikaga borish orzusi ortidan 17 670 dollarga chuv tushdi

Toshkent shahri Mirzo Ulug‘bek tuman IIO FMBga firibgarlik holati bo‘yicha murojaat kelb tushdi, deb xabar berdi IIV Jamoatchilik va OAV bilan aloqalar boshqarmasi.

Mirzo Ulug‘bek tumanida yashovchi 62 yoshli N.S va 46 yoshli Z.I ismli ayollar 2019-yilning 7-yanvar kuni Mirzo Ulug‘bek tumani Asaka mahallasi hududida Surxondaryo viloyati Denov tumanida yashovchi 36 yoshli M.Aga Amerika Qo‘shma Shtatlariga borish uchun hujjatlarni rasmiylashtirib berishni va’da qilib, undan 17 670 AQSh dollarini olgan va pullarni o‘z ehtiyojlari yo‘lida ishlatib yuborgan.

Holat yuzasidan jinoyat ishi qo‘zg‘atilib, N.S va Z.Ilar qo‘lga olingan. Tergov harakatlari olib borilmoqda.