Rasman: “Real” hujumchisini “Benfika”ga sotib yubordi

“Real” hujumchisi Raul de Tomas faoliyatini “Benfika”da davom ettiradi. Bu haqda Portugaliya klubining rasmiy saytida xabar berildi.

“Burgutlar” 24 yoshli hujumchi uchun 20 million yevro to‘laydigan bo‘ldi.

Ispaniyalik futbolchi klub bilan 5 yillik shartnoma imzoladi. Unga ko‘ra, hujumchining tovon puli 100 million yevro etib belgilandi.

Eslatib o‘tamiz, de Tomas so‘nggi 2 mavsumni “Rayo Valyekano”da ijara asosida o‘tkazdi. U ortda qolgan mavsum La Ligada 33 ta o‘yinda maydonga tushib, 14 ta gol urishga muvaffaq bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!