Janubiy Koreya mudofaa vazirligi: KXDR mart oxirigacha yangi yadro sinovini o‘tkazadi

KXDR yangi yadro sinovini o‘tkazishga to‘liq tayyor. Bu haqda Koreya Respublikasi milliy mudofaa vazirligi vakili ma’lum qildi, deb yozadi “TASS”.

“Shimoliy Koreya yer ostida yadro qurolini portlatishga tayyorgarlikni yakunladi. U Kim Chen Indan tegishli buyruq kelib tushgach, bir necha soat ichida amalga oshirilishi mumkin”, — dedi ofitser.

Uning ta’kidlashicha, Janubiy Koreya harbiylari amerikalik hamkasblari bilan hamkorlikda Tochxan-ridagi poligonda bo‘layotgan “vaziyatni diqqat bilan kuzatmoqda”. Mudofaa vazirligi vakili fikricha, atom sinovi joriy oy oxirigacha o‘tkaziladi.