Franchesko Totti “Real”da ish boshlashi mumkin

“Roma”ning sobiq hujumchisi Franchesko Totti Madridning “Real” klubi tizimida ish boshlashi mumkin, deb yozadi Calciomercato.

Ta’kidlanishicha, Tottini klub boshqaruvida shaxsan Florentino Peresning o‘zi xohlamoqda.

Qayd etish joiz, Franchesko biroz muddat avval “Roma”dan ketgandi. U klubda texnik direktor lavozimini egallab kelayotgan edi.

Ma’lumot uchun, Peres futbolchilik vaqtida Tottini “Real”ga bir necha marta taklif etgan. Biroq rimlik “imperator” butun faoliyatini “Roma”da o‘tkazishni lozim topgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!