O‘z ishining haqiqiy ustasi: Xitoyda g‘aznachi 6 dasta pulni 77 soniyada sanab tugatdi (video)

Internetda xitoylik g‘aznachining olti dasta banknotani 77 soniya ichida hisoblab tugatishi tasviri tushirilgan videolavha ommalashib ketdi. Bu haqda “Tengrinews.kz” xabar bermoqda.

Xitoyning sharqidagi Shandun provinsiyasidan bo‘lgan ayol 1,5 daqiqadan kam muddat ichida turli qiymatga ega 550 ta banknotani sanab tugatdi. Ayol hisobni besh barmoqda amalga oshirib, olgan ma’lumotni yozib bordi.

Qayd etilishicha, qog‘oz bilan muomala qilishda faqat bu g‘aznachi emas, balki yaponiyalik shaxs ham mo‘jiza ko‘rsata oladi. Internetda mashhur bo‘lgan videolavhada ushbu yaponiyalikning 100 varaqqa 18 soniyada muhr qo‘yishi ko‘rsatilgan.