Olmaotada ro‘y bergan YTHda 8 kishi, jumladan, bolalar halok bo‘ldi

Qozog‘istonning Olmaota viloyatida ro‘y bergan yo‘l-transport hodisasida 8 kishi halok bo‘ldi. Bu haqda “Kazinform” xabar bermoqda. 

Viloyat ichki ishlar departamenti matbuot xizmatiga ko‘ra, YTH 24-mart, jumaga o‘tar kechasi Olmaota—Kokpek—Koktal trassasida sodir bo‘ldi. Nissan Primera va Toyota Vista avtomobillarining to‘qnashuvi oqibatida 8 kishi halok bo‘ldi. Ular orasida bolalar ham bor. 

Fojiada 2009-yilda tug‘ilgan bola mo‘jiza bilan omon qoldi. U hozir kasalxonaga yotqizilgan. 

Hodisa yuzasidan sudgacha bo‘lgan tekshiruv olib borilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!