Milliy gvardiya xodimi “Qo‘yliq” bozori yonidagi ko‘prikdan o‘zini tashlamoqchi bo‘lgan ayolning hayotini saqlab qoldi

9-iyul kuni soat 21. 40 atrofida “Qo‘yliq” dehqon bozori yonidagi ko‘prik ustidan o‘zini tashlab, joniga qasd qilmoqchi bo‘lgan ayolni ko‘rib befarq bo‘lmagan aholi sa’y-harakatlari natijasida IIB xodimi va Milliy gvardiya harbiy xizmatchisi o‘z vaqtida yetib keldi.

Yordamga oshiqqan ayrim fuqarolarni to‘xtab turishga majbur qilgan qaltis vaziyatda Milliy gvardiya harbiy xizmatchisining tezkor va ishonchli harakati ayolning hayotini saqlab qoldi.

Shundan so‘ng ayol IIB bo‘linmasiga olib borilgan va u bilan profilaktik suhbat o‘tkazilgan.

Suhbat natijasida u 1992-yil 15 iyunda Toshkent viloyati Nurafshon shahrida tug‘ilgan A.B.ekanligi, turmush o‘rtog‘i B.E. bilan oilaviy janjallar sababli joniga qasd qilmoqchi bo‘lganligi ma’lum bo‘ldi.

Hozirda A.B. ga tibbiy va ruhiy yordam berish maqsadida mutaxassiclar jalb qilingan.