Marca: Xames Madridda qoladi

“Real” yarim himoyachisi Xames Rodriges yaqin kunlarda “Atletiko” o‘yinchisiga aylanadi.

Marca’ning xabar berishicha, kolumbiyalik futbolchi “Vanda Metropolitano”ga ko‘chib o‘tishga rozilik bergan va transfer shartnomasi tez orada imzolanadi.

Avvalroq “Napoli” Xamesga asosiy da’vogar sifatida qaralayotgandi. Biroq italiyaliklar Madrid klubi bilan transfer narxi borasida kelishuvga erisha olmadi.

Eslatib o‘tamiz, 28 yoshli yarim himoyachi so‘nggi ikki yilni “Bavariya”da ijara asosida o‘tkazdi. “Real” bosh murabbiyi Zinedin Zidan esa Xamesni rejalariga kiritmagan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!