Rasman: “Manchester Siti” yarim himoyachisi “Everton”ga o‘tdi

“Manchester Siti” yarim himoyachisi Fabian Delf faoliyatini “Everton”da davom ettiradi. Bu haqda Mersisayd klubining rasmiy saytida xabar berildi.

29 yoshli ingliz allaqachon yangi klubining Shveysariyadagi yig‘inlariga borib qo‘shilgan. “Everton” futbolchi uchun “shaharliklar”ga 8 million funt to‘lashi kerak bo‘ladi.

Eslatib o‘tamiz, Delf 2015-yildan buyon “mankunianlar” sharafini himoya qilib kelayotgandi. U 2018/19-yilgi mavsum AngliyavPremyer ligasida 11 ta uchrashuvda maydonga tushdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!