» » Shavkat Mirziyoyev Sirdaryoda dalaga kirib, paxta rivojini ko‘zdan kechirdi

Shavkat Mirziyoyev Sirdaryoda dalaga kirib, paxta rivojini ko‘zdan kechirdi


Shavkat Mirziyoyev Xovos tumanidagi “Saxovat” fermer xo‘jaligi dalasida bo‘lib, g‘o‘za rivojini ko‘zdan kechirdi. Bu haqda Prezident matbuot xizmati ma’lum qildi.

“Bek klaster” korxonasiga qarashli mazkur xo‘jalikda joriy mavsumda g‘alladan 455 tonna hosil olinib, 314 million so‘mdan ziyod sof foyda ko‘rilgan. Bo‘shagan maydonga eksportbop dukkakli ekinlar ekilgan. Hozirda 50 gektar maydonda g‘o‘za parvarishlanmoqda.

Davlat rahbari dalaga kirib, paxta rivojini ko‘zdan kechirdi.

Fermerlar Sardoba suv ombori qurilgani, zararkunandalarga qarshi kurashish uchun Sirdaryo viloyatiga budjetdan 10 milliard so‘mdan ziyod mablag‘ ajratilgani natijasida eng dolzarb masalalar hal etilib, yuqori hosil yetishtirilayotganini ta’kidladi.

— Dalaga chiqishdan maqsad nima o‘zi? Daromad topish! Daromadni esa birinchi navbatda qo‘shimcha hosil ta’minlaydi. Shuning uchun terimgacha har bir tupga kamida beshtadan ko‘sak, gektariga besh sentnerdan paxta qo‘shishga harakat qilish kerak, — dedi Shavkat Mirziyoyev.

Shu yerda viloyat tumanlari va sektorlar rahbarlari, nuroniylar, fermer va tadbirkorlar bilan uchrashuv bo‘ldi. Unda qishloq xo‘jaligi va kichik biznesni rivojlantirish, aholi salomatligini mustahkamlash, jinoyatchilikning oldini olish borasida amalga oshirilayotgan ishlar haqida so‘z bordi.

Davlat rahbari yirik sanoat korxonalari bo‘lmagan viloyatda yalpi hududiy mahsulotni o‘stirish, aholini ish bilan ta’minlashning asosiy manbai kichik biznes bo‘lishi kerakligini ta’kidladi. Shuningdek, jinoyatchilikning oldini olish, aholi salomatligini mustahkamlashga qaratilgan ishlarni kuchaytirish bo‘yicha alohida ko‘rsatmalar berildi.



Manba: Daryo.uz
Опубликовано: admin (19-07-2019, 07:44)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 82) ( 0) ( 80) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют