“Nyukasl” futbolchilari restoranlardan birida sodir bo‘lgan janjalda ishtirok etdi

“Nyukasl” yarim himoyachisi Jonjo Shelvi va uning jamoadoshi, klub darvozaboni Karl Darlou mojaroli holatga aralashib qoldi, deya xabar berdi Daily Mail.

Mazkur hodisa Morpet (Angliya) shahrining restoranlaridan birida, “Nyukasl” klubining mavsumoldi Xitoy safaridan bir necha kun avval yuz berdi. Yemakxonaga tashrif buyurganlardan biri Shelvini kal deya haqorat qiladi. Xavbek ham uni haqorat qila boshlaydi. Shundan so‘ng janjal kattalashib ketadi. Ushbu mushtlashuvda Darlou ham ishtirok etadi.

“Nyukasl” mazkur voqeaga izoh berishdan bosh tortdi. Biroq manbaning ma’lum qilishicha, klub, albatta, shu holat yuzasidan tekshiruv o‘tkazadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!