Toshkent agrar universiteti Termiz filiali xodimi o‘qishga kiritish evaziga salkam 2 ming dollar so‘radi

DXX Surxondaryo viloyati boshqarmasi hamda Bosh prokuratura huzuridagi departamentning viloyat boshqarmasi xodimlari hamkorligida tezkor tadbir o‘tkazildi.

Tezkor tadbir davomida Toshkent agrar universitetining Termiz filiali mas’ul xodimi J.E. Denov tumanida istiqomat qiluvchi fuqaroning jiyanini o‘zi faoliyat yuritayotgan oliy ta’lim muassasasiga o‘qishga kiritishni va’da qilib, evaziga undan 1.900 AQSH dollarini xizmat xonasida olgan vaqtida ashyoviy dalillar bilan ushlandi.

Hozirda mazkur holat yuzasidan Jinoyat kodeksining tegishli moddalariga asosan jinoyat ishi qo‘zg‘atilib, tergov harakatlari olib borilmoqda.