Shavkat Mirziyoyev “Bunyodkor” stadioni oldida quriladigan ko‘prik loyihasi bo‘yicha o‘z tavsiyalarini berdi

O‘zbekiston Prezidenti Shavkat Mirziyoyev 25-mart kuni Toshkent shahrida amalga oshirilayotgan bunyodkorlik ishlari bilan tanishdi. Bu haqda O‘zA xabar bermoqda.

Xususan, Bunyodkor va Muqimiy ko‘chalari kesishgan chorrahada qurilgan yangi ko‘prikni borib ko‘rgan va mazkur inshootning mohiyatiga alohida to‘xtalib o‘tgan.

Mavzuga doir: Shavkat Mirziyoyev Bunyodkor—Muqimiy chorrahasida qurilgan ko‘prikni borib ko‘rdi

“Shuningdek, Shavkat Mirziyoyev Cho‘ponota va Bunyodkor ko‘chalari kesishgan chorrahada bunyod etiladigan ko‘prik loyihasi bilan ham tanishib, o‘z tavsiyalarini berdi”, — deyiladi O‘zA axborotida.

Avvalroq “Mirzo Ulug‘bek” metro bekati oldida bunyod etiladigan mazkur yo‘l o‘tkazgichning uzunligi 710 metr, eni esa 24 metrni tashkil etishi haqida xabar berilgan edi.

Mavzuga doir: Toshkentning Bunyodkor va Cho‘ponota ko‘chalari kesishmasida yo‘l o‘tkazgich quriladi

“Daryo”ning Telegram’dagi rasmiy kanali — @toshqindaryo’ga a’zo bo‘ling!