Boris Jonson Britaniyaning yangi bosh vaziriga aylandi

Boris Jonson Buyuk Britaniya Konservativ partiyasining yangi yetakchisi va bosh vazir lavozimi uchun poygada yutib chiqdi, deb xabar beradi “Gazeta.ru”.

Bunday qarorni Konservativ partiya a’zolari qabul qilgan.

Jonson lavozimga rasman 24-iyul kuni kirishadi.

Lavozim uchun ikki nomzod — Britaniya sobiq tashqi ishlar vaziri Boris Jonson va amaldagi tashqi ishlar vaziri Jeremi Xant kurash olib bordi. Qolgan sakkiz nafar da’vogar poygadan ilk bosqichlardayoq chiqib ketgan edi.

Jonson 92 153 ta, Xant esa 46 656 ta ovoz to‘plagan.