“Barselona” futbolchilar sotuvidan qancha mablag‘ ishlab olishi ma’lum bo‘ldi

“Barselona” jamoaning bir qator futbolchilarini sotishga tayyor.

ESPN’ning xabar berishicha, Kataloniya klubi hujumchi Antuan Grizmann va yarim himoyachi Frenki de Yongning transferi uchun sarflangan mablag‘ni qoplash maqsadida ushbu yozda futbolchilar sotuvidan 150 million yevro ishlab olmoqchi.

“Ko‘k-anorranglilar” Filippe Koutinyo, Malkom hamda Rafinya Alkantaraga xaridor qidirmoqda.

Bundan tashqari, agarda taklif tushadigan bo‘lsa, klub Ivan Rakitich, Samyuel Umtiti va Arturo Vidalning transferini ham ko‘rib chiqishga tayyor.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!