OTMga kirish imtihonlari sabab Toshkentdagi ayrim ko‘chalar vaqtincha yopiladi

29-iyul kuni soat 8:00 hamda soat 15:00 da 2019—2020-o‘quv yilgi oliy ta’lim muassasalariga kirish imtihonlari boshlanadi. Shu munosabat bilan poytaxtning ayrim ko‘chalar yopiladi, deb xabar berdi Toshkent shahar IIBB matbuot xizmati.

Ma’lum qilinishicha, oliy ta’lim muassasalarida kirish test sinovlari o‘tkazilishi munosabati bilan 29-iyuldan 10-avgust kuniga qadar soat 05:00 dan soat 20:00 gacha bo‘lgan vaqt oralig‘ida poytaxtning Yunusobod tumanidagi Ko‘rgazma, Korxojiota, Iftixor va Niyozbek yo‘li ko‘chalari transport vositalari harakati uchun vaqtincha berkitiladi.

Toshkent shahar ichki ishlar boshqarmasi fuqarolardan vaqtinchalik noqulayliklar uchun uzr so‘raydi.

Mavzuga doir: Toshkentda OTMlarga kirish imtihonlari o‘tkaziladigan hududlar ro‘yxati e’lon qilindi