Xitoyda ko‘chki oqibatida halok bo‘lganlar soni 38 kishiga yetdi

Xitoyning Guychjou provinsiyasida kuzatilgan ko‘chki oqibatida halok bo‘lganlar soni 38 kishiga yetdi, deb xabar beradi “Korrespondent.net”.

Shuningdek, yana 13 kishi bedarak yo‘qolganlar safida.

Guychjouda ko‘chki 23-iyul kuni boshlangan edi. O‘shanda Xechjan uezdidagi qurilish maydonchasi vayronalar ostida qolgan edi.

Ikkinchi ko‘chki esa Lyupanshuy shahriga yaqin Shuychen uezida yuz bergandi. Buning oqibatida 21 ta uy buzilgan, 77 kishi esa xavfli hududda qolib ketgan edi.

Hozirda qidiruv-qutqaruv ishlari olib borilmoqda. Jarayon Xitoy hukumati tomonidan moliyalashtirilmoqda.