Toshkentda Iqtisodiyot universitetiga o‘qishga kiritish evaziga 12 ming dollar talab qilgan shaxs ushlandi

26-iyul kuni fuqaro J.Yu. ariza bilan murojaat qilib, unda Sh.T ismli shaxs uning tanishi A.I.ni o‘qishga kiritib kuyish evaziga 12 ming AQSh dollari talab qilayotganligini bildirib, unga nisbatan qonuniy chora ko‘rishni so‘ragan. Bu haqda Toshkent shahar prokuraturasi xabar berdi.

J.Yu.ning arizasini tekshirish maqsadida Toshkent shahar prokuraturasi, IJQK Departamenti va DXX xodimlari hamkorligida tezkor tadbir o‘tkazildi.

Sh.T. o‘zining Vazirlar Mahkamasida yuqori lavozimlarda ishlovchi tanishlari orqali A.I.ni Toshkent davlat iqtisodiyot universitetiga o‘qishga olib kirib quyishni va’da qilib, J.Yu.dan 12 ming AQSh dollari miqdoridagi pullarni firibgarlik yo‘li bilan olgan vaqtida daliliy ashyolar bilan ushlangan.

Mazkur holat yuzasidan Sh.T.ga nisbatan jinoyat ishi qo‘zg‘atilgan.